• الرئيسية
• مقالات

         1

أدي القسمة وأدي النصيب وأدي المكتوب 
وادي سنيني اللي واخداني 
في سكرة عشق ملياني 
ومش عارف يا قلبي تدوب

         2
اكتبيني غنوة 
اعزفيني لحن 
ارسميني طيف 
لملمي قلبي الضعيف 
جوه قلبك واحضنيه
طبطبي جدا عليه 
ولما يسكت كلميه

     3

لما ببعد عن عيونك 
وأما اعيش هناك بدونك 
ببقى تايه بين حروفك 
نجمة ضالة وسط خوفي 
حنه جافة مابين كفوفي 
قربي مني وشوفي 
لون عيونك 
هتلاقيه دايما في عيني 
لون خدودك زارعه بايدي 
والأمان مرسوم في عيدي 
م الحنان والحب زيدي
حتى دم في وريدي
لون جبينك 
حسي مرة وقربيني 
ارسمي بإديكي فجري 
نوري بالحب عمري