معظم النار من مستصغر الشرر
شعر: د. منصور الأنصاري
أدي الحكاية بدت بالنكتة والقفشــة
وسمعنا منكم كلام بالحلوة والعفشة
قال إيه فيروس جانا من بلاد الصـين
لا يد تقدر تمسكه ولا تشوفه العـــــين
جات البداية هزار ع الشات وع القهــوة
كبير صغير بيفتي من غير علم بالفتوة
واحد يقولك بصل والتاني قالك تــوم وابو الفكاكه يقولك دي سياسة
قوم أول ما ظهر الوبا طلعت عيال ملحيس
شغال يشيّر كلام وأغلب كلامه فــيس
اشاعات وملت البلد م القاصي والداني
فيه حد مات النهاردة وبكــره فيه تاني
الحق ياعم البلد ( قالــوا) نصـها بيموت
ونص جاله المرض فقد الكلام والصوت
طب قوللي مين اللي مات وفين عنوانه ؟
تقدر تقول لي عليه وانا أروح لمكانه ؟
يرد أبو العريف ( قالوا ) هناك وسمعت لكن مشفتش بعيني بس آانــي سمعت
بالله يا ناس بلاش الفتوى والتهويل
وبلاش كتر الكلام كفاية قالوا وقيل
نعم فيه كورونا وفيه وباء موجود
وفيه ناس سهرانة وفيه اله معبود
كل اللي مطلوب من سعادة البيــه كلمتين اتنين لا فيهم تعب ولا إيه
الزم لبيتك وبلاش ظرف وحياتك
حافظ على الناس وبرضه لحياتك
وان كان لا بد واللسان حارقـــك خليك في الذكر للإله خالقـــك
يا رب لجل النبي والأربعة الأقطاب
احفظ بلاد العرب واسترها يا تواب
أستاذ متفرغ بكلية التربية جامعة جنوب الوادي