نـعمـة الألــم
كلنا بدون استثناء بنجرى من الألم وبنقول:يارب أبعده منا ..
بس محدش قالنا أن الألم نفسه نعمة..... بس لابس لبس غريب وشكله يخوف....
الألم هو اللى بيقولك :أنت لسه عايش !!!
تخيل انك مش بتشعر وانت بتتحرق ....كده ممكن تتشوى وانت مش واخد بالك !!!
الألم جرس أنذار بيحميك ...
الألم هو المدرس الرخم اللى بيشرح وهو ماسك العصاية
خلىك فاكر الدرس الساهل هو أول حاجة بتتنسى ...
محدش بيتعلم من الراحة ....بنتعلم لما نقع ونتجوع....
ولما نتعلم الدرس ونقول:مش هعمل كده تانى !!!!
هتأكل لحد ماتموت ومش هتحس .... هتصاحب اللى يأذيك وتكمل ....
الألم هو الدرس اللى بيقولك (قوم كفاية) (ده مش ليك) ...
الألم بخليك تحس بوجع الناس ....
اللى متوجعش عمره ما هيحس بحد موجوع .....
أنت لما تتعب في أمتحان ....هتحس وهتفهم شعور صاحبك اللى سقط....
لما تزعل هتعرف تطبطب بجد مش كلام ...
الألم بيغسل القلب .... فبعد العياط تحس إنك خفيف ...
بعد التعب بنحس بالراحة ......
الجوع هو اللى بيحلى الأكل مش نوعه ولا طعمه....
العطش هو اللى بيمتنعنا بالماء اللى بنشربه...ز
الألم كنعمة لو سبتها تأكلك هتهدك.....
خد منها الدرس وقوم كمل حياتك ....هى مطب لكن مش نهاية الطريق...
خليك فاكر دايما ان ربك رحمن رحيم لطيف بعباده ....
ربنا مبيوجعكش علشان يكسرك .....
بيوجعك علشان يقويك ..... علشان تسيب حاجات مش كنت حتسيبها بأرادتك أو بمزاجك ....
بيوجعك علشان عاوز يحطك في مكان أحسن.....
الألم مش عقاب ....
الألم رسالة ..... وترجمتها :( أنا معاك ..... وهتعدى ....وهتبقي أقوى)
الحمد لله على نعمه الألم اللى بتخلينا بشر !!!
يارب كلماتى متكنش وجعتك .......وياريت تريحك....
في الحالتين دى رسالة محبة منى لك.