حط الحمام
شعر : حاتم السواح- الفيوم
حط الحمام يمى
اه يا ابويا اه يا امى
حط الحمام عطشان
و ما فيش كمان غيه
حط الحمام ليه
ما لقتش غير ميه
القمح مش ف الدار
حط الحمام ف نهار
ماقدرتش ساعتها انهار
والامر كان ملزما
ابونا كان همام
ابونا صار مرغما
حط الحمام ع الباب
حط الحمام ف الحضن
حط الحمام ع القلب
احساسى متغنى
بس الغنا منى
حط الحمام مدبوح
كل الجراح بتروح
كل الكلام منى
حط الحمام ع الروح
يلقط فى قلبى جروح
ويسيب اللى تتمنى
حط الحمام بنى
العمر راح منى
حط الحمام ع الغيه
تقلانه رجليه
ماعرفش اطلع فوق
ما ملكش غير ميه
دواره فى أديه
حط الحمام ع الغيه
تقلانه رجليه تطير هناك عندها
حط الحمام ع العتب
شايل جواب اتكتب
من روح إلى روحك
بتهجا ف حروفك
اتهجا ف جروحك
قلبى فدا خوفك
حط الحمام بشويش
ف الدنيا حق مافيش
الايد تلقط عيش
بالملح متغمس
حط الحمام يانى
الدنيا نسيانى .
حط الحمام ع الدار
الستر حيطه انهار
ف الميديا والشارع
حط الحمام راجع
حط الحمام يا امه