ضد السكوت
شعر بقلم- أحمد فؤاد :
كل شئ حواليه يرحل من سكات ...
الا الصديق
يتسحب من روحي كأني بموته
من وريدي يتنزع
ويتدبح ف صوتي
صوته
كل شئ على الطريق يودعنا ف سكون...
الا الصديق
يزلزل عروش مشاعري كأنه كان ثباتي
ساري مركب بيعارك ريح حياتي
وف لحظة الصدق النبيل بيبقى منديل الدموع
ولما السكك تتوه وترميني السفن ف أقسى موج
قلبه يفتح لى المواني
كل شئ ممكن اعيده من جديد
أبدله بشكل تاني
الا عيون جواها
شفت ضحكتي واشجاني
واجهنا سوا الزمن والطريق
وحلمي خبيته فيها
من العيون اللى كارهني
كل شئ حواليه يرحل من ساكت...
الا الصديق